Младински кошаркарски натпревар во американската сојузна држава Џорџија се претвори во општ хаос откако млади играчи и нивните родители нападнаа судија и жестоко го претепаа.
На видеото се гледа дека неколку млади момчиња трчаат по судијата, кој успева да се одбрани неколку секунди, но не може да им одолее на нападите на многу момчиња.
На шокантната снимка се гледа како децата безмилосно удираат со тупаници и клоци по судија кој се здобил со сериозни повреди и бил итно пренесен во болница.
На крајот завршил со 30 конци, но е во стабилна состојба и се опоравува.
Интересно е тоа што никој не е обвинет или уапсен во врска со нападот врз судијата, а полицијата потврди дека истрагата е во тек.
