Официјалната листа на симптоми на COVID-19 е проширена за да вклучи девет нови знаци на инфекција со коронавирус.
Агенцијата за здравствена безбедност на Велика Британија ја ажурираше листата на симптоми кои сега вклучуваат болки во грлото, болки во мускулите и дијареа, пишува BBC.
Промената доаѓа повеќе од две години по почетокот на пандемијата и само неколку дена откако беше запрено бесплатното тестирање во Англија.
Сепак, агенцијата предупредува дека многу од новите симптоми се многу слични на оние на настинка и грип.
Оригиналните симптоми на инфекција со коронавирус кои се идентификувани во ОК се:
- висока температура
- континуирана кашлица
- губење на мирис и вкус
Од раните денови на пандемијата, познато е дека овие три симптоми се само врвот на ледениот брег. Светската здравствена организација и другите земји, вклучително и Соединетите Американски Држави, веќе некое време користат подолг список на симптоми.
Сепак, во ОК долго време се води дебата за тоа кои симптоми треба да се сметаат за индикација за тестирање на КОВИД. Главоболката, на пример, е познат симптом на ковид, но нема да го тестирате секој што има главоболка.
Новата листа на симптоми во ОК ги вклучува следните девет:
- отежнато дишење
- чувство на замор и исцрпеност
- болки во телото
- главоболка
- воспалено грло
- затнат нос или течење на носот
- губење на апетит
- дијареа
- чувство на гадење или повраќање.
