„Излезноста на предвремените парламентарни избори во Македонија, до 17 часот е 60,38 отсто, а обработени се 97,11 отсто од избирачките места“, објави претседателот на Државната изборна комисија, Александар Чичаковски.
По изборни единици, состојбата е следна:
ИЕ1 66,38 отсто
ИЕ2 59,89 отсто
ИЕ3 64,90 отсто
ИЕ4 67,15 отсто
ИЕ5 58,46 отсто
ИЕ6 46,82 отсто
До ДИК пристигнале 335 приговори за заштита на избирачките права, најмногу се жалеле на тоа дека ги нема во Избирачкиот список. Сите приговори се одбиени, затоа што е констатирано дека тие биле на спорниот список на гласачи, биле известени, а навреме не поднеле барање за да бидат впишани во Избирачкиот список.
Според прелиминарните податоци со кои располага ДИК во дијаспората од запишани 20.571 гласачи, правото на глас го искористиле 8.238 или 39,90 отсто.