Неизвесен натпревар кој заврши дури по продолженија одиграа Денвер и Далас, а балканските кошаркари ја одбележаа вечерта бркајќи се со учинокот.
До четвртата четвртина се чинеше дека Денвер има стабилно водство кое едно време достигна и +12, но потоа гостите се вратија во игра и на почетокот од последната четвртина успеаја и да поведат. Регуларното време заврши 109:109, а по продолженија победата ја однесоа Маверикс.
Овој натпревар го одбележа српско-словенечкиот дуел на Никола Јокиќ и Лука Дончиќ. Центарот на Денвер уфрли 38 поени, исто колку и Дончиќ, а двајцата забележаа дабл-дабл. Србинот запиша и 11 скокови, додека Словенецот 13 асистенции.
Резултати:
Бруклин Нетс - Филаделфија 76ерс 122:109
Мемфис Гризлис - Кливленд Кавалирс 90:94
Денвер Нагетс - Далас Маверикс 117:124 (прод.)
Лос Анџелес Лејкерс - Сан Антонио Спарс 109:118
Портланд Треил Блејзерс - Минесота Тимбервулвс 135:117