Месопотамија често се нарекува лулка на цивилизацијата, а нејзините држави, како Асирското Царство, се секогаш интересни за истражувачите.
Ова се 12 факти кои треба да се зната за оваа древна земја:
1. Асирското Царство е формирано во првата половина на 2 милениум п.н.е. во северниот дел на Месопотамија (денешен Ирак). Заедно со Асирското Царство на оваа територија во истиот период се издвојува Старовавилонското Царство.
2. Именувано е по градот Ашур, кој бил првиот главен град на царството, а градот името го добил по богот Асура, кој, како што верувале, ги одбрал царевите што ќе го претставувале на Земјата и им дал апсолутна моќ.
3. На за време на своето постоење имало неколку подеми и падови, а процутот започнал за време на Новоасирското Царство (934-612 п.н.е.), кое започнало со освојувањата на царот Асурнасирпал II.
4. Асурнасирпал II ги освоил Месопотамија и Феникија (денешен Либан) и го изградил новиот главен град Нимруд.
5. Асирското Царство доживеало најголема експанзија во текот на 7 век п.н.е.
6. Асирското Царство имало добро организирана војска, која и тогаш, како и денес, била поделена на рангови и се сметала, дотогаш, за највешта и најсурова.
Тие биле првите освојувачи што користеле направи за опсада на градови - кули со скали за качување по ѕидови и дрвени стебла со метални овни, за пробивање на градските порти.
7. Во текот на 8 и 7 век пред нашата ера, за време на владеењето на Тиглатпалесар III, Саргон II и Ашурбанипал, Асирското Царство го опфатило речиси целиот Стар Исток.
8. Најпозната кралица била Семирамида, која владеела 42 години во 9 век п.н.е. За време на нејзиното владеење, изградени се познатите Семирамидини градини, кои во тоа време се сметале за едно од 7-те светски чуда.
9. Во екот на моќта на империјата, царот Асархадон го освоил Египет во 671 година п.н.е. Тогаш Асирците завладеале со цела Месопотамија, источниот Медитеран и Египет.
10. Во 7 век п.н.е. главниот град бил преместен од Нимруд во Ниневија, познат антички град на источниот брег на реката Тигар. Во Ниневија живееле над 100.000 луѓе, имало 18 канали за водоснабдување, луксузни палати, од кои се издвојувала палатата на Сенахирим, која имала дури 80 соби.
Античка Ниневија, која била срамнета со земја во 612 година п.н.е., ја наследил градот Мосул во денешен Ирак. Ниневија, како непријателски град на Евреите, често се споменува во Библијата.
11. Иако било моќно, Асирското Царство исчезнало многу брзо. Здружените сили на Медијците и Вавилонците го поразиле околу 605 година п.н.е. Него го наследило Нововавилонското Царство.
12. Од сочуваните асирски споменици, најпознати се следниве:
- Портата на тврдината на Саргон II во Хорсабад - крилест бик со човечка глава, 721 - 705 година п.н.е.
- Асурнасирпал II во лов на лавови, релјеф, 850 година п.н.е.
- Ограбувањето на градот Хаману од Ашурбанипал, од Ниневија, околу 650 година п.н.е.
- Смртно ранета лавица, релјеф, 650 година п.н.е.