Потпретседателот на Собранието, Рафиз Алити, од владејачката партија од албанскиот блок ДУИ, собира потписи за да поднесе иницијатива за повлекување на одлуката Собранието да се распушти до ноќеска на полноќ.
Иницијативата треба да ја поднесат најмалку 20 пратеници, а за да биде повлечена одлуката за распуштање на Собранието, треба да гласаат најмалку 62 пратеници.
Алити во изјава за медиумите најави дека наскоро ќе собере 20 потписи и дека веќе почнал консултации со координаторите на пратеничките групи, освен со ВМРО-ДПМНЕ.
За пролонгирање на терминот од 24 април е потребно и менување на Изборниот законик, бидејќи во преодните одредби е наведено дека предвремените избори ќе се одржат на 24 април.