Европската комисија во новата економска прогноза за периодот од 2022 до 2024 година даде прогноза кога би можело да се укинат санкциите кон Русија.
ЕУ претпоставува дека санкциите наметнати кон Русија поради воената агресија врз Украина нема да бидат укинати пред планираниот датум во 2024 година, изјави европскиот комесар за економија, Паоло Џентилони.
„Се претпоставува дека геополитичките тензии нема да се нормализираат или ескалираат пред крајот на предвидениот период и сите усвоени санкции против Русија ќе останат во сила. Ова е прогноза“, рече Џентилони на прес-конференција за новинари.
Во извештајот, Комисијата предвидува годишната инфлација да порасне на 8,3% годинава и 9,3% следната година.
ЕУ воведе санкции кон Русија по почетокот на руската агресија врз Украина на 24 февруари.
