„ЕУ замрзна над 17 милијарди евра руски имот во склоп на пакетот санкции против Москва“, изјави комесарот на Европската комисија за правосудство Дидиер Рејндерс.
„Досега е замрзнат имотот на 90 луѓе, над 17 милијарди евра во 7 држави членки, вклучително и 2,2 милијарди евра во Германија“, изјави Белгиецот за германските медиуми.
ЕУ усвои 8 пакет санкции од почетокот на руската агресија на Украина пред 8 месеци. Украинските политичари бараат замрзнатиот имот да се искористи за обнова на Украина по војната.
ЕУ исто така замрзна 300 милијарди евра девизни средства на Руската централна банка.
