ФФМ се премисли: Саса го доби пехарот за 1.ЖМФЛ, на ред е Вардар

Лидерот во прекинатото женско фудбалско првенство, Саса од Македонска Каменица, викендов го доби пехарот за минатата сезона со што официјално ФФМ прогласи првак. Сега Вардар, како најдобар кај мажите, го чека својот пехар.

Фудбалерките на Саса му се радуваат на пехарот за прекинатата сезона 2019/20; Фото: ФФМ

Откако прво прогласи прекин на сезоната 2019/20 поради пандемијата со коронавирусот и објави „замрзнати“ табели без да биде прогласен првак во сите натпреварувања под капата на ФФМ, Федерацијата очигледно сега се премисли.

Викендов се играше 2. коло од новата сезона во најквалитетната женска фудбалска лига, а приликата ФФМ ја искористи официјално да ја прогласи екипата на Саса за првак на ланската прекината сезона.

Саса на домашен терен во Македонска Каменица го пречека тимот на Истатов, го победи со 5:1, а пред натпреварот претставник на ФФМ им го врачи пехарот на фудбалерките.

Куштрим Љума од ФФМ го предава пехарот на капитенот Моника Георгиева; Фото: ФФМ

Штом во женската лига е прогласен првак, тоа веројатно ќе се случи и во машката Прва лига. Таму пехар чека Вардар кој беше лидер во моментот на прекин, но досега официјално не беше прогласен за првак. Веројатно примопредавањето ќе се случи в петок кога Вардар игра на „Тоше Проески“, но условно како гостин бидејќи се игра Дербито на Скопје со комшијата Работнички од Дебар Маало.

Табелата во 1.ЖМФЛ во моментот на прекин (одиграни 14 од 26 кола)

Проблем настана бидејќи во Правилникот за натпреварување на ФФМ воопшто не е објаснето како се постапува при прекин на првенство. Очигледно, во Федерацијата никогаш (читај 30 години) не ни помислиле дека може да се случи од било какви причини некое првенство да се прекине, па и не направиле правило за такво сценарио, без разлика дали во прашање е пандемија, војна или некоја природна катастрофа. Веројатно токму затоа, за разлика од секаде низ Европа каде првенствата не продолжија, во Македонија првак не беше прогласен.

Дури откако настана проблемот со минатата сезона, ФФМ го дополни својот правилник каде вметна правило според кое наведува кои услови треба да бидат исполнети за при прекинато првенство да се прогласи или да не се прогласи првак. Според новото правило, во ситуација каква што настана лани, Вардар не би бил прогласен за првак бидејќи не беа одиграни доволен број на натпревари. Но, новото правило не може да важи за нешто што веќе се случило туку ќе важи од тековнава сезона.

Новиот Член 31а регулира што ќе се случи доколку настане нов прекин поради коронавирусот

Затоа, Вардар сега го чека и својот пехар кој според прикажаното на зелениот терен, го заслужи, исто како и фудбалерките на Саса.

Е сега, мал проблем е што скоро сите фудбалери кои настапуваа лани за Вардар веќе си заминаа поради големите финансиски проблеми во кои веќе трета сезона тоне најголемиот македонски фудбалски бренд. Пехарот сега треба да го примат некои нови дечки, кои не ни играа лани, но тоа е тоа. Важно Вардар да го смести единаесеттиот пехар за шампион на Првата лига во своите витрини.

реклама

Кои здравствени проблеми ги имаат мажите поради нередовен секс?

Read more

Peugeot го смени „лавчето“ – дали ви се допаѓа?

Read more

Играчите на Реал ги добија новите Audi „ѕверки“: Кој го избра најскапиот модел?

Read more

Тетин се обидел да изврши обљуба врз неговите две внуки

Read more

Теми и коментари

Како да се ослободите од товарот на минатото?

Read more

Навистина сами си го баравте за „Јавна соба“

Read more

Tоксични лајкови или зошто сѐ почесто размислувам за исклучување од социјалните медиуми

Read more

Фала ти, 2020: Пред да стане подобро, ќе биде полошо

Read more
 

Ново

Кривични за лица кои на граница прикажале фалсификувани ПЦР тестови

Читај повеќе

721 нов случаj на COVID-19 од 3.816 тестирања

Читај повеќе

Хит - електричен автомобил кој чини 4.500 долари

Читај повеќе

Протест против градење висококатници во Ѓорче Петров

Читај повеќе

Тетин се обидел да изврши обљуба врз неговите две внуки

Читај повеќе

Иран: Американските напади на Сирија поттикнуваат тероризам

Читај повеќе
  • play_arrow

Објавен тизерот за серијата „The Irregulars“

Читај повеќе

Гејтс се вакцинираше, но и понатаму носи маска – сака да биде пример

Читај повеќе

Во Русија почна тестирањето на вакцината Sputnik V Light

Читај повеќе