Георгина Родригес е ѕвезда на двојната насловна страница на португалското издание на магазинот Vogue, а како што пренесуваат португалските и шпанските медиуми, инфлуенсерката за интервјуто и фотографирањето добила 100.000 евра.
Партнерката на Кристијано Роналдо стана една од најследените и најпознатите личности од светот на шоубизот. Сите луксузни брендови ѝ даваат производи, ја канат на настани и сакаат да соработуваат со неа.
Инфлуенсерката веќе беше на насловните страници на списанијата како Elle или InStyle, а последен во низата беше насловната на португалското издание на Vogue.
На својот Instagram профил Георгина се пофали со фотографиите, пишувајќи дека за прв пат се појавила на двојна насловна страница.
Станува збор за ограниченото издание на магазинот The Fame, а веќе летово кога беше договорена соработката, шпанските и португалските медиуми објавија колку ќе заработи партнерката на Роналдо од овој ангажман.
Во португалската емисија „Noite das Estrelas“ ја потврдија оваа информација и изјавија дека добила меѓу 100 и 120 илјади евра.
