Најдобриот светски тенисер Новак Ѓоковиќ по два исцрпувачки сетови кои понудија фантастичен тенис го совлада Канаѓанецот Феликс Оже-Алиасим со 2:0 (7-5, 7-6) и обезбеди полуфинале на АТП Мастерс турнирот од серијата 1000 во Рим.
Ѓоковиќ до својата 999-та победа во кариерата дојде доцна синоќа по 2 часа и 12 минути игра, а негов противник во денешното полуфинале (19:30) ќе биде Норвежанецот Каспер Руд.
Во второто полуфинале од 14:30 часот ќе играат Германецот Александр Зверев и Гркот Стефанос Циципас.