HTC се обидува да остане конкурентен на пазарот, па сега го претставија новиот смартфон.
Се работи за уредот HTC Wildfire E3, основниот модел кој доаѓа со 4 камери, голема батерија и Mediatek процесор.
Има две конфигурации, едната со 3 GB RAM и 64 GB интерна меморија, другата со 4 GB RAM и 128 GB интерна меморија.
Wildfire E3 доби 6,5-инчен LCD екран со HD+ резолуција, сензор за отпечаток на прст на задната страна, батерија од 4.000 mAh која се полни преку USB-C влез.
Го користи оперативниот систем Android 10.
Позади е сместена главната камера од 13, ултрашироката од 8 и два сензора од 2 MP за макро фотографии. Селфи камерата има 13 MP.
Wildfire E3 ќе биде достапен во сина и црна боја. Засега нема информации за цената.