Претседателот на Јужна Кореја, Јун Сук Јул изјави дека Северна Кореја е подготвена да изврши тестирање на нуклеарно оружје во кој било момент.
Тој додаде дека Пјонгјанг ги завршил подготовките и се очекува да изврши нуклеарна проба во текот на месецот.
Пред денешната изјава на Јун, шефот на јужнокорејската разузнавачка служба беше во ненајавена посета на Вашингтон.
Тензиите на Корејскиот Полуостров се зголемуваат од минатата година, кога и Сеул и Пјонгјанг го зголемија бројот на воени вежби и демонстрации на сила.
Минатиот месец, САД, Јужна Кореја и Јапонија објавија планови за зајакнување на воената соработка и заеднички одговор на заканите од Северна Кореја доколку земјата изврши уште една нуклеарна проба.
