Во комплицираниот свет на машко-женските односи, многу е корисно да научите дали некој ве лаже и мами. Ќе се изненадите колку често луѓето го прават тоа.
Анкета спроведена кај 2.000 испитаници покажа дека еден од осум испитаници признале дека го лажат својот партнер. Загрижувачки е што еден од 12 учесници во анкетата признале дека излажале за неверство во врската, а 8% од испитаниците биле неискрени по прашањето на моменталниот емотивен статус или врска од минатото.
Мажите лажат почесто од жените. Милениумците лажат најмногу, а како најчести изговори ги користат табу темите како што се итни случаи во семејството, смртен случај или погреб.
Доктор Џорџина Барнер работи како психолог во советувалиште и објаснува на кој начин може да препознаете дека партнерот ве лаже.
„Нивниот контакт очи в очи со вас трае предолго, повеќе од тоа што е природно или типично. Или ги покриваат очите со раце“, објаснува докторката.
Предупредува дека лажгото може да спречи контакт со очи фокусирајќи се на некој предмет, како на пример телефонот или пак, да гледа наоколу.
Исто така може во целост да избегнува контакт со очите. Вели дека сето тоа е дел од стратегија, „да ве манипулира дека е чесен“ додека покажува однесување кое го поврзуваме со вистината, пишува Yahoo.lifestyle.
Кај неискрените луѓе ќе забележите и зголемено потење и црвенило на лицето. Помалку самоуверените лажговци ќе манифестираат вообичаено однесување – погледот често им скита по просторијата или пак гледаат лево или десно неколку секунди за да „купат“ време и да се одморат од вината што ја доживуваат гледајќи ја саканата личност во очи, додава Барнет.