Животите ни се сменија многу во последните две години од почетокот на пандемијата на COVID-19, и додека животот полека се враќа во нормала, пандемијата не е завршена.
Луѓето сè уште се заразуваат со коронавирусот и бројот на заразени се зголемува во многу области.
Согласно податоците од Институтот за јавно здравје во последните 24 часа во Македонија направени се 1.489 тестови, а регистрирани се 511 нови случаи на COVID-19, од кои 129 се реинфекции.
BA.4 и BA.5 се две нови варијанти кои предизвикуваат зголемување на бројот на нови инфекции. Овие подваријанти се загрижувачки поради нивната способност брзо да шират инфекција и да заразат луѓе кои претходно прележале ковид.
Колку е ефикасна вакцината против новите варијанти?
Вакцината штити од COVID-19 на начин што ве штити од потешки форми на болеста и хоспитализација. Во моментов, истражувањата покажуваат дека вакцините се помалку ефикасни против новите варијанти.
Зошто луѓето сè уште треба да се вакцинираат ако оригиналната варијанта повеќе не е доминантна?
Често ја слушаме фразата дека нема гаранции во животот. Ова важи и за COVID-19. Иако оригиналниот сој не е доминантен, тоа не значи дека не можете да се заразите. Ако сте вакцинирани и бустирани, тоа ви нуди најдобри шанси да не доживеете посериозна форма на болеста, хоспитализација или смрт.
Кои се знаците дека сте заразени со нова варијанта на вирусот?
Нема сигурни знаци дека сте заразени со нова варијанта на вирусот. Ако имате симптоми на COVID-19 како кашлица, замор, болки во телото, притисок во синусите и губење на мирис и вкус, контактирајте со вашиот лекар.
Како да останете заштитени?
Следете ги здравствените совети и помогнете да се стави крај на пандемијата. Вакцинирајте се или примете бустер доза што е можно поскоро. Ако живеете во област со мала покриеност со вакцинација, носете маска N95, не патувајте, одржувајте физичко растојание, избегнувајте големи собири, мијте ги рацете и заштитете го вашиот живот и животите на другите.
