Австралиските власти категорично ги отфрлија денеска барањата на најдобриот светски тенисер Новак Ѓоковиќ за олеснување на строгиот карантин за големиот број тенисери и тенисерки, кои се во двонеделна самоизолација без услови за подготовки за претстојниот Австралија Oпен.
Вкупно 74 тенисери и тенисерки, кои со чартер-летови пристигнаа во Мелбурн за настап на Австралија Опен, со одлука на организаторите, се ставени во строг двонеделен карантин, откако беа откриени неколку случаи на зараза со коронавирус меѓу патниците.
Ѓоковиќ, во својство на претседател на Здружението на тенисери, со писмо до организаторите на грен слемот во Мелбурн побара да бидат обезбедени рамноправни услови за подготовки за сите учесници на турнирот што треба да стартува на 8 февруари.
Категорично „не“ на неговиот апел денеска прист
-Правилата нема да се менуваат, бидејќи беа наложени од здравствените власти. Луѓето можат слободно да поднесуваат листи со желби, но одговорот е „не“, изјави Ендруз.
-Знам дека неколку играчи имаат приговори во врска со правилата, но тие важат подеднакво за сите. За нив сите беа информирани пред доаѓањето и тоа беше условот што го прифатија, додаде премиерот на Викторија.