Возачот на Мерцедес, Луис Хамилтон, зборуваше за проблемите на тимот на почетокот на сезоната 2022 во Формула 1.
„Тимот вчера до доцна работеше и разговараше што може да се направи. Ниту една поставка нема да ни помогне да ги решиме проблемите за кратко време. Дефинитивно не очекувавме дека можеме да го заземеме петтото место во квалификациите, па среќен сум што стигнав до оваа позиција. Сите пред нас се многу побрзи, разлика од шест десетини од секундата е многу. Како и да е, знам дека нашиот болид има потенцијал, треба да работиме многу брзо и да дејствуваме точно во наредните недели за да го намалиме јазот што го имаме што е можно поскоро“, изјави Хамилтон, за Autosport.
Луис Хамилтон заврши на петтото место во квалификациите за Големата награда на Бахреин, неговиот тимски колега Џорџ Расел беше деветти.
Трката за Големата награда на Бахреин со која стартува сезоната во Формула 1 ќе се вози попладнево со почеток во 16 часот.
