Норвешкиот напаѓач џентлменски го поднесе поразот во трката за Златната топка и воодушеви со својата реакција на која се чекаше многу подолго од очекуваното.
Имено, дури 24 часа по церемонијата во Париз тој на Instagram стори ја сподели фотографија од Лионел Меси со Златната топка и му честиташе на шпански, едноставно пишувајќи „Честитки Лео Меси“.
Се разбира, Холанд лично му честиташе на Меси на самата церемонија, но изненади доцното честитање на социјалните мрежи.
Многу фудбалски фанови, новинари и легенди се убедени дека Холанд требаше да ја добие Златната топка годинава, а Меси при добивањето на наградата им се поклони на своите млади конкуренти.
„Ерлинг и Килјан се два конкурентни ѕвера. Добро го познавам Килјан, а кај Ерлинг треба да видите како ги слави головите. Очекувам тие двајца во иднина да се борат за оваа награда. Тие тоа го заслужија“, рече Меси.
Меси особено му се обрати на Норвежанецот, за кој рече дека исто така многу ја заслужил Златната топка.
„Ерлинг ги освои Премиерлигата и Лигата на шампионите и беше најдобар стрелец. Оваа награда вечерва можеше да биде и твоја. Затоа, сигурен сум дека ќе ја освоиш во годините што доаѓаат“, додаде тој.
Да потсетиме, 36-годишниот Меси по осми пат ја освои Златната топка, награда која повеќе не е за најдобриот фудбалер на крајот од годината, туку за претходната сезона.
