Кина одби да и ги отстапи необработените податоци од почетокот на пандемијата на Светската здравствена организација, изјави членот на тимот на СЗО кој го испитуваше потекото на COVID-19 во Вухан, Доминик Двајер.
Тој истакна дека тимот на СЗО ги барал необработените податоци на 174 пациенти, кои меѓу прите се заразиле со COVID-19 во Вухан во декември 2019 година, но ги добиле само заклучоците.
Австралискиот имунолог истакна дека податоците кои СЗО ги барала се анонимни, но оти содржат детали како прашања и одговори од пациентите, како и нивна анализа.
– Тоа е стандардна пракса кога се почнува истрага за зараза, посочи Двајер по вражањето во Сиднеј и во моментот е во карантин.
Тој додаде дека пристапот до таквите податоци е од големо значење, бидејќи се само половина од 174 случаи поврзани со пазарот Хуанан во Вухан, каде прво е откриен COVID-19.
– Затоа инсистиравме на тие податоци, а зошто не ги добивме, не би коментирал. Можно е да поради политички причини… Дали постојат некои други причини зошто податоците не се дадени, не знам. Можеме само да шпекулираме, наведе Двајер.
