Koи земји досега ја признаа Палестина?

Макфакс/Кајгана
/ 22.05.2024 / 13:49

Речиси три четвртини од земјите во светот ја признаа државата Палестина, која ја прогласи палестинското раководство во егзил пред повеќе од 35 години, а примерот денеска одлучија да го следат Шпанија, Ирска и Норвешка.

Седуммесечната војна меѓу Израел и Хамас во Појасот Газа, предизвикана од бруталниот терористички напад на израелска територија на 7 октомври, ги обнови повиците за признавање на палестинската држава.

Според палестинските власти, 142 земји од 193 земји-членки на ОН ја признале Палестина. Четири карипски земји (Јамајка, Тринидад и Тобаго, Барбадос и Бахамите) се последните земји кои се приклучија на листата, која не ги вклучува повеќето земји од Западна Европа и Северна Америка, Австралија и Јапонија.

Шпанија, Ирска и Норвешка денеска најавија дека ќе ја признаат државата Палестина на 28 мај. Минатиот месец, САД го искористија правото на вето во Советот за безбедност на ОН за да ја блокираат резолуцијата со која Палестина би се прогласила за полноправна членка на меѓународната организација.

Декларација за безбедност и први признанија

На 15 ноември 1988 година, неколку месеци по почетокот на Првата интифада, водачот на Палестинската ослободителна организација, Јасер Арафат, го прогласи „основањето на државата Палестина“ со Ерусалим како главен град. Неколку минути подоцна, Алжир беше првиот кој официјално ја призна новата држава.

Една недела подоцна, 40 земји, вклучувајќи ги Кина, Индија, Турција и повеќето арапски земји, го презедоа истиот чекор. Следуваа речиси сите земји од африканскиот континент и советскиот блок. Во текот на 2010 и 2011 година, Палестина беше призната од мнозинството земји од Латинска Америка.

Едната нога во ОН

Под претседателство на наследникот на Арафат, Махмуд Абас, палестинската самоуправа, формирана со Договорот од Осло (1993 година), започна дипломатска офанзива во меѓународните институции. УНЕСКО (Организација за образование, наука и култура на Обединетите нации) го отвори патот со признавањето на Палестина како полноправна членка во октомври 2011 година.

Во историското гласање во ноември 2012 година, Палестина доби статус на земја набљудувач во Обединетите нации, што, во отсуство на статус на полноправна членка со право на глас, ѝ овозможи пристап до агенциите на ОН и меѓународните договори.

Во 2015 година, Палестинците се приклучија на Меѓународниот кривичен суд (МКС), кој овозможи отворање на истраги за израелските воени операции на палестинска територија. САД и Израел ја осудија одлуката.

Шведска, пионер во ЕУ

Во 2014 година, Шведска стана првата членка на ЕУ која ја призна државата Палестина. Чешка, Унгарија, Полска, Бугарија, Романија и Кипар го направија тоа долго пред да влезат во Европската Унија.

Шведската одлука, објавена во време кога се чинеше дека напорите за решавање на израелско-палестинскиот конфликт се во ќорсокак, доведе до долгогодишни бурни односи со Израел. Шпанија, Ирска и Норвешка денеска одлучија да ги следат стапките на Шведска, додека другите западни земји долго време веруваат дека формалното признавање на палестинската држава мора да биде резултат на мировниот процес со Израел.

Признавање на Палестина најавија Малта и Словенија, а дека таква можност постои најави и Австралија. Македонија сѐ уште не објавила признавање на независна палестинска држава.

Тагови
реклама

Неделен хороскоп од 16 до 22 февруари

Read more

Колку километри треба да трчате според вашата возраст?

Read more

Тепачка на паркинг во Аеродром, уапсените на возраст од 19 до 27 години

Read more

Главен виновник зошто не можете да слабеете, а често се игнорира

Read more

Свет

Sky News Arabia: Хамас e подготвен да го предаде Појасот Газа на палестинска управа

Read more

Патриотски песни наместо школско ѕвонче ќе ечат во руски Перм

Read more

Масовни протести против екстремната десница во Берлин

Read more

Европа ги надмина САД во пари за Украина

Read more
 

Вести

Доларот стагнира, цената на нафтата расте

Читај повеќе

Sky News Arabia: Хамас e подготвен да го предаде Појасот Газа на палестинска управа

Читај повеќе

Патриотски песни наместо школско ѕвонче ќе ечат во руски Перм

Читај повеќе

Масовни протести против екстремната десница во Берлин

Читај повеќе

Европа ги надмина САД во пари за Украина

Читај повеќе

Врнежи од снег на неколку патни правци, намалена видливост на Стража и Маврово

Читај повеќе

Без струја денеска делови од Карпош, Бутел, Кисела Вода и Аеродром

Читај повеќе

Една година од смртта на Алексеј Навални

Читај повеќе

Партиите од коалицијата „Влен“ размислуваат да се соединат во една партија по локалните избори

Читај повеќе