„Не барам изговори, на овие момци можам само да им речам 'Браво'“, вели тренерот на Интер кој е бесен поради распоредот кој на неговиот тим му дава помалку слободни денови отколку на останатите.
„Креираа календар само за да ни направат проблеми. Дали саатниците ги одредува Лигата? Изгледа заборавиле да нѐ викнат кога ги штелувале, па затоа нашите се лудило“, рече Антонио Конте по синоќешното гостување кај Рома во главниот град.
„Веќе третпат по ред играме против тим кои има ден и пол одмор повеќе од нас. Компромисот е секогаш на штета на Интер, па кога треба некоја екипа да го јаде, тоа секогаш е Интер. Ако видите убаво, во последново коло се случи нешто неверојатно, не може да не го приметите“.
Рома и Интер синоќа одиграа 2:2. Точно е дека домашната екипа имаше цел ден повеќе одмор бидејќи претходното коло против Верона играше во средата, додека Интер кај СПАЛ играше во четвртокот. Веќе в среда Интер го чека нов натпревар, против Фиорентина.
„Сега ние се враќаме дома во 4 часот сабајле, утре треба да се опоравиме и веднаш да почнеме да се подготвуваме за натпреварот со Фиорентина од 21:45“, бесен е Конте.
