Маестралниот Леброн Џејмс ноќеска стигна до нереалната бројка од 39.000 постигнати поени во најдобрата кошаркарска лига во светот.
Кошаркарите на Лос Анџелес Лејкерс славеа на својот терен против Јута Џез со 131:99, а Леброн 39.000-тиот поен во НБА го постигна веќе во првата четвртина.
Леброн пред овој натпревар имаше 38.995 поени на своето конто, а пет минути по двојка постигна тројка и стана првиот играч во историјата на НБА кој достигнал 39.000 поени.
Леброн натпреварот го заврши со 17 поени, па сега има 39.012 поени во кариерата и нема намера да застане.
Со оглед на формата во која се наоѓа, сите се прашуваат кога Леброн ќе ја достигне магичната граница од 40.000 поени, а до овој јубилеј сезонава не би стигнал само ако тешко се повреди.
На Леброн му требаат само 982 поена за да ја достигне магичната граница или 14,7 поени во просек во преостанатите 67 натпревари оваа сезона.
Сепак, со оглед на тоа дека е нереално човек кој во декември ќе наполни 40 години да ги одигра сите натпревари до крајот на сезоната, ги анализиравме најреалните сценарија кога Леброн би ги постигна своите 40.000 поени во НБА.
Ако одигра уште 55 од можни 67 натпревари, во просек му требаат 17,9 поени, а ако одигра уште 50, ќе му требаат 19,6 поени во просек по натпревар.
Леброн минатата сезона одигра вкупно 55 натпревари во НБА лигата, а ако е така и овој пат, значи дека ќе го гледаме на теренот уште 41 пат, а потоа треба да постигнува во просек по 24 поени по натпревар за да дојде до 40.000 поени.
Она што е особено интересно е дека Леброн ќе достигне 40.000 поени по уште само 38 натпревари доколку остане на сегашниот просек од 25,7 поени по натпревар.
