Ливерпул и Тотенхем се најеколошки клубови во Премиер лигата

Британската телевизија BBC и компанијата Sport Positive Summit со поддршка од ООН составија ранг-листа на најзелените клубови во Премиер лигата.

При рангирањето, клубовите добиваа максимум два поена во секоја од 11-те категории – клупска политика и посветеност на животната средина, употреба на чисти извори на енергија, енергетска ефикасност, употреба на одржливи начини на транспорт, намалување или елиминирање на пластиката за еднократна употреба, отстранување и рециклирање отпад, ефикасна употреба на вода, растителна храна или храна со ниска содржина на јаглерод, биодиверзитет, образование, пристап до заедницата и ангажман.

Доделени се и два бонус поени. Така, максималниот можен број на поени е 24.

Ливерпул и Тотенхем се прогласени за најеколошки, со 23 бода. Особено, играчите на Тотенхем патуваат на натпревари со автобуси на биогориво, кои ги намалуваат емисиите на штетни гасови за повеќе од 80%. Ливерпул се обврза да лета со авиони со користење на декабонизирано гориво. Ќе ги намали и емисиите за 80%.

Следни на листата се Манчестер Сити и Саутемптон (21 бод), на делба на 5. и 6. место се наоѓаат Арсенал и Манчестер Јунајтед со по 19 поени. Актуелниот европски шампион Челси е на 10. место со 14,5 бодови, а најслабопласиран клуб на оваа листа е Њукасл со само 10 поени.