Она за што долго време се шпекулираше конечно се оствари, Apple конечно го претстави MacBook Air во со нетрпение очекуваната варијанта од 15 инчи.
Поточно, се работи за лаптоп од 15,3 инчи со Retina екран со осветленост од 500 нити и поддршка за милион бои. Околу екранот има рабови од 5 мм, а има и камера со резолуција од 1.080 пиксели.
Дебелината на новиот 15,3-инчен MacBook Air е 11,5 мм, тежи само 1.496 кг и ќе биде достапен во четири бои: полноќна, ѕвездена, вселенска сива и сребрена.
Лаптопот се напојува со чипот M2, исто како и моделот од 13 инчи, со octa-core CPU, 10-core GPU и 16-core Neural Engine. Основниот модел доаѓа со 8 GB унифицирана меморија, но може да се конфигурира до 24 GB.
За споредба, новиот 15-инчен MacBook Air е 12 пати побрз од „најбрзиот MacBook Air базиран на Intel и двојно побрз од најпродаваниот лаптоп компјутер од 15 инчи со Core i7 процесор“.
Лаптопот доаѓа со две USB-X Thunderbolt порти, приклучок за полнење MagSafe и 3,5 милиметарски приклучок за слушалки. Опремен е со три микрофони и шест звучници, а неговата цена е 1.299 долари.
Испораките започнуваат веќе следната недела.
