Во општинската лига на Кисела Вода во неделата се одигра 2. коло, а еден натпревар се пофали со изобилство на убави погодоци, оној меѓу домашниот Зелениково и Слободен од скопски Аеродром.
Домаќините први се покажаа на дело кога по само три минути игра нивниот капитен мајсторски направи слалом, дриблинг и го отвори резултатот.
Потоа гостите сепак брзо израмнија со удар со глава по нафрлување од корнер.
До следниот гол се чекаше по еден час игра. Во меѓувреме, мешаница, мала тепачка, два црвени картони. А помина и по некој воз на блиската пруга. Вистински натпревар од општинска лига.
До крајот гостите распалија со целиот свој арсенал по домашниот гол. Прво гол директно од корнер а ла Артим Шаќири против Дејвид Симан. Брзо потоа мала мајсторија и гол за 1:3. Следуваше фаул на домашниот голман во казнениот простор и успешно раелизиран пенал на гостите за 1:4. Интересно е што на смимката се гледа како голманот го покосува играчот, а потоа на судијата му вели: „Не го допрев“.
Потоа нов фаул на домашниот голман, овој пат страшен, кога стрелецот на голот од корнер го изваде од игра со мајагери старт надвор од шестнаесетникот. Судијата - очигледно исплашен да не јаде ќотек - не го исклучи. Арно ама, слободниот удар гостинскиот капитен го изведе масторски и во стилот на Роберто Карлос му ја смести под пречка на голманот.
