Возбудлив сон неодамна имал италијанскиот селектор чија репрезентација допрва треба да се квалификува на Мундијалот.
Роберто Манчини откри дека сонувал како Италија го победила Бразл во финалето од Светското првемство кое во ноември и декември годинава ќе се одржи во Катар и тоа благодарение на реализиран пенал на Жоржињо.
Ѕвездата на Челси е главниот виновник што Италија не е веќе квалификувана на Мундијалот откако ги промаши последните три пенали од кои два против Швајцарија, конкурентот кој ѝ го зема првото место на Италија во групата и ја прати во бараж.
Токму во баражот Италија игра со Македонија на 24 март, а доколку победи потоа за место во Катар ќе се бори со подобриот од дуелот на Португалија и Турција.
„Сонував дека сме победиле во финале против Бразил и тоа со пенал на Жоржињо“, откри селекторот на „Аѕурите“.
Интересно, Жоржињо е всушност од Бразил, но со италијанско потекло по таткова страна (неговиот предок Џакомо Фрело имигрирал во Бразил).
„Видов дека реализираше два пенала против Астон Вила, како и 6 по ред после утката со Швајцарија. Не сум лут. Тој нѐ донесе до финалето против Англија. Можеби и ова финале ќе го освоиме со негов пенал. Кој знае...“, вели Манчини во интервју за Sportweek.