Напаѓачот на Ливерпул Садио Мане се договорил за тригодишна соработка со Баерн Минхен, јавуваат британските медиуми.
30-годишниот Сенегалец има уште една година договор со Ливерпул, но по саботното финале во Лигата на шампионите против Реал се прости од навивачите, испраќајќи јасна порака дека деновите на „Енфилд“ му се избројани.
Мане побарал договор вреден 22 милиони евра годишно, на што Ливерпул не се согласил и побарал да биде продаден.
На „Енфилд“ пристигнаа понуди од ПСЖ, Барселона и Баерн. По разговорите со Јулијан Нагелсман, Мане се одлучи за Баварците со кои договори тригодишна соработка, а сега само се чека клубовите да се договорат околу отштетата.
Во 2016 година Мане премина од Саутемптон во Ливерпул во трансфер вреден 41 милион евра.
Сенегалецот постигна 120 гола во дресот на тимот од Енфилд и забележа 48 асистенции на 269 натпревари, а со „црвените“ ја освои титулата европски и англиски шампион.
