Во скоп на прославата за 60-годишнината од своето постоење, Мекларен ќе искористи уште една посебна комбинација на бои и на домашната трка во Силверстоун ќе донесе хромирани површини на својот болид MCL60.
Британскиот тим имаше претежно хромиран изглед од 2006 до крајот на 2014 година, а во тој период Хамилтон ја освои својата прва шампионска титула во 2008 и засега последна на Мекларен.
Претходно оваа сезона, Мекларен користеше специјален изглед во три основни бои во Монако и Шпанија за да го прослави освојувањето на Тројната круна на мотоспортот, победата на 24 часа Ле Ман во 1995 година, на Инди 500 во 1974 и на Големата награда на Монако во 1984 година.
„Не е тајна дека љубителите на трките го сакаат класичниот хромиран изглед на Мекларен“, изјави Зак Браун.
„Google Chrome сакаше да врати елементи од оваа легендарна боја за да ја прослави историјата на нашиот тим на британското ГП и ние сме возбудени што ќе им го дадеме на нашите навивачи тоа што го сакаат“.
„Сигурен сум дека оваа боја ќе им врати одлични спомени на многу наши фанови и едвај чекам да ја видам на патеката на нашата домашна трка“.
„Беше привилегија за тимот на Google Chrome да работи со Мекларен на враќањето на елементите на бојата за се инспирира ова преземање“, додаде Ник Дрејк, потпретседател за глобален маркетинг во Google.
„Бевме воодушевени од одговорот на фановите на брендираните навлаки на тркалата кои го покажаа нашето партнерство, а сега Google Chrome го враќа хромот во Мекларен за неговата домашна трка“.
„Го очекуваме Силверстоун и се надеваме дека сите фанови на Мекларен ќе уживаат во она што ветува навистина возбудлив тркачки викенд“.
Големата награда на Британија се вози викендов, со главната трка в недела на 9-ти.