Грчкиот премиер Кирјакос Мицотакис соопшти дека е позитивен на SARS-CoV-2, по рутинско тестирање со рапид тест.
Преку видео на официјалниот Instagram профил, грчкиот премиер Кирјакос Мицотакис соопшти дека е позитивен на COVID-19 по рутинското тестирање со рапид тест направен утрово во неговиот кабинет, јави дописничката на МИА од Атина.
-Во последниот период сите се занимаваме со војната во Украина и со поскапувањата на цените, но коронавирусот е сè уште тука. При дневниот тест што го направив утрово во мојата канцеларија, позитивен сум, па ќе се изолирам дома и ќе работам од таму. Сакам да не заборавите дека тројната вакцинација дава најдобра можна заштита од сериозно заболување, рече Мицотакис во видеото на Instagram, додавајќи дека е сигурен дека сè ќе биде во ред и набргу ќе се врати во неговиот кабинет.
