Никогаш не го потценувајте противникот.
На почетокот на оваа година се случи нешто прилично чудно. Долго време, Google Chrome и Mozilla Firefox беа непобедливи на пазарот, убедливо заземајќи ги првите две места пред другите интернет прелистувачи. И тогаш Microsoft Edge се прикраде и го зазеде вицешампионското место.
Тогаш сè уште не можевме со сигурност да кажеме дали Microsoft Edge ќе ја задржи својата позиција. Можеби зголемувањето на бројот на корисници се должеше на фактот дека многумина беа љубопитни, па планираа подоцна да се вратат на Chrome или Firefox.
Се покажа дека не е така.
Во последните неколку месеци, Edge одржува солидна предност на пазарот од околу 1,5% повеќе корисници, но во октомври бројот скоро двојно се зголеми, па сега околу 3% повеќе луѓе користат Edge отколку Firefox, според аналитичката фирма Net Market Share.
Долго време, сите прелистувачи на Microsoft беа инфериорни во однос на Chrome и Firefox. Сепак, Edge, кој инаку работи на платформата Chromium, успеа да се „престрои во другата лента“ и да го престигне Firefox главно благодарение на ажурирањата кои значително ја подобруваат секоја верзија.
Да бидеме најискрени, Microsoft исто така играше голема улога во тоа, бидејќи се обидува на различни начини да привлече нови корисници, ставајќи го Edge како стандарден прелистувач за Windows и постојано сугерирајќи го, ако не е. Интересен факт е дека Edge е оптимизиран за Linux.
Секако, нè интересира и вашето мислење. Дали користите Microsoft Edge и каков ви се чини? Пишете ни во коментарите.
