Најдобриот француски тенисер Гаел Монфис објави денеска на Twitter дека поради повреда нема да настапи на последниот грен слем турнир сезонава, УС oпен, кој почнува на 29 август.
– За жал, по последните лекарски прегледи извршени по враќањето во Европа, заклучокот е дека нема да можам да ги бранам своите шанси на УС Опен, објави на социјалните мрежи 35-годишниот Французин кој потејнува од карипските острови Мартиник и Гведалуп.
Монфис, кој е 22-рангиран на АТП листата, го повреди десното стапало минатата недела на турнирот во Монтреал.
Во Монтреал, каде се врати на тениските терени по тримесечна пауза, Монфис беше принуден да се откажe во осминафиналето, во вториот сет против Џек Драпер (2-6, 2-0).
Минатата година Монфис испадна во 3. коло на ЈуЕс oпен од Италијанецот Јаник Синер.
