Со гол од белата точка синоќа Арсенал го победи Тотенхем, но Жозе Мурињо е незадоволен со таквата судиска одлука.
Тотенхем прв поведе во дербито на Северен Лондон кога Ерик Ламела со мајсторски удар ја затресе домашната мрежа. Потоа Арсенал направи пресврт кој започна со голот на Мартин Одергард на минута пред полувремето.
Во 63. минута Дависон Санчес спречи Александр Лаказет да постигне гол, а судијата Мајкл Оливер оцени дека стартот е за фаул, што значи пенал. Консултираше и ВАР, но одлуката остана, а Лазает го реализираше ударот за пресврт и победа на „Топчиите“.
„Нема интервјуа на судиите по натпреварите? Тоа е штета“, рече Мурињо зборувајќи за Sky Sports.
Осве пеналот, судијата потоа исклучи и еден од играчите на Тотенхем, односно стрелецот Ламела поради втор жолт картон.
„Во првото полувреме имавме среќа. Постигнавме неверојатен гол, но освен тоа, не направивме ништо. Не се браневме добр, немавме контрола врз играта, не креиравме, не ја чувавме топката, прво полувреме бевме очајни“, изјави потоа за SportKlub.
„Во второто полувреме веднаш се поправивме, но судијата го одлучи натпреварот“, додаде.
Пенал, црвен и пораз - за Мурињо, виновен е судијата и покрај лошата игра на неговиот тим.
„Мислам како и сите останати. Само некој страствен навивач на Арсенал кој има сезонски билет може да каже поинаку. Би сакал да можев да кажам дека одигравме лошо прво полувреме и натпреварот го загубивме во првиот дел, но морам да кажам дека одигравме лошо во првото, а се поправивме во второто, пробавме да победиме, но одлуката на судијата го реши натпреварот“, во свој стил Мурињо коментираше за натпреварот.
Ова беше дури деветти пораз за Тотенхем во Премиер лигата сезонава со што со 45 бодови сега заостанува 6 зад 4. место, последно кое води во Лигата на шампионите, а кое го држи Челси.
