МЗТ ќе ја брани својата шампионска титула откако попладнево во СРЦ „Кале“ со 73:62 (18:18, 24:16, 11:20, 20:8) го совлада вечниот ривал Работнички и ја доби полуфиналната серија со 2:0.
Во поголемиот дел од мечот МЗТ беше во водство кое го заслужи во втората четвртина, пред Работнички да се пробуди во второто полувреме, за на крајот во последната четвртина да ја покаже својата сила за финале. Противникот во големото финале МЗТ може да го добие веќе утре, кога Пелистер го пречекува ТФТ со 1:0 предност во полуфиналната серија.
Ова е 17-то финале во историјата на „Металците“, во кое ќе одат на јубилејната и толку очекувана десетка.
Војдан Стојановски и Кук има по 18 поени за МЗТ, Вере додаде 12, додека кај Рабтнички, најефикасен беше Малешевиќ со 14 поени, а Ѓелетовиќ застана на 13.