Модната недела во Милано беше исполнета со многу моменти што ги освоија насловите во медиумите: Рајан Гослинг беше во првиот ред за многу очекуваната прва ревија на Сабато Де Сарно за Gucci, Питер Хокингс го имаше своето деби како креативен директор во Tom Ford, а Клаудија Шифер се врати на пистата за Versace.
Меѓутоа, моментот што предизвика најбурни реакциина социјалните мрежи е без сомнение Наоми Кембел која со нејзиниот препознатлив од на пистата за Dolce & Gabbana потсети на најдобрите денови на супермоделите.
На 53-годишна возраст, Кембел останува најдобрата што можете да ја ангажирате и потсети зошто го доби статусот на супермодел по нејзината прва ревија (Jasper Conran) на модната недела во 1986 година.
„Не сакаме да изгледа како да е само за ‘генерацијата на социјалните мрежи’“, му рече Доменико Долче на модниот критичар на британскиот Vogue Андерс Кристијан Мадсен во Милано за кастингот за ревијата пролет/лето 2024 година.
„Сакаме да им се обратиме на жените од сите возрасти, па затоа не ангажиравме само нови лица, туку и етаблирани модели. Сакаме да ги славиме жените во позрели години. Сите зборуваат за новите генерации, но важно е да се погледне на жените од сите возрасти и облици.“
Едноставно кажано, никој не оди на пистата како Наоми Кембел.
„Сè уште уживам, но искинав нерви! Затоа што имам 51 година и одам на писта со девојки кои имаат 18 години!“, рече манекенката во нејзиното придружно интервју за насловната страница на британски Vogue во март 2022 година.
„Одлично е да се биде со овие млади луѓе на моја возраст, но морам да кажам дека на една од ревиите помислував: ‘Ајде, девојки! Кренете ги нозете! Зошто одите толку бавно?’“
Во истиот разговор, таа објасни како во 90-тите можела да создаде од со кој се чувствувала лична и препознатлива.
„Дефинитивно чувствувам дека во мое време беше повесело. Се смеевме. Имавме можност да покажеме карактер.“
Овој септември беше во знакот на оригиналните супермодели, бидејќи Синди, Кристи, Линда и Наоми беа на насловната страница на септемвриското издание на Vogue и ја затворија ревијата Vogue World: London шетајќи рака под рака на пистата додека Ени Ленокс ја пееше химната „Sweet Dreams“.