Германската канцеларка Ангела Меркел и рускиот претседател Владимир Путин денеска се сретнаа во Кремљ за да разговараат за гасоводот Северен тек 2, којшто би требало да биде завршен месецов.
Во еден момент, додека зборуваше претседателот Путин, се слушна како заѕвони мобилниот телефон на Меркел. Таа се најде во непријатна ситуација, но успеа да го исклучи телефонот.
Меркел и Путин се сретнаа една година по нападот на Алексеј Навални, најголемиот критичар на Путин.
Германија бара од Русија истрага за нападот со хемиски отров, додека Русија го обвинува Западот за клевета.
