На што треба да внимавате кога купувате нов лаптоп?

Знаеме дека не е лесно да се избере нов лаптоп - еве неколку работи на кои треба да обрнете внимание при купувањето.

За разлика од купувањето други уреди, купувањето на компјутер, особено лаптоп, е далеку покомплицирано поради широкиот избор на модели кои доаѓаат со различни комбинации на компоненти. Сепак, има некои работи што можете да ги земете во предвид за да го стесните вашиот избор.

Како планирате да го користите лаптопот?

Пред да започнете со барање, треба да ја дефинирате целта на вашиот нов лаптоп, односно за што ви е потребен. Без разлика дали ќе го користите за професионални задачи, гледање филмови и серии, играње игри или извршување секојдневни задачи.

Разбирањето на целта на лаптопот многу ќе ви помогне да ги изберете вистинските спецификации.

Големината на екранот е многу важна

Ако сте ја дефинирале целта на лаптопот, следното нешто што треба да направите е да размислите за големината на екранот. Оваа ставка е многу важна бидејќи влијае на големината на сликата и достапната површина за работа. Помал екран ќе ја зголеми преносливоста на лаптопот, додека поголем ќе обезбеди подобро визуелно искуство.

Секако, иако изборот на дијагонала на екранот е апсолутно до вас, резолуцијата исто така игра голема улога - колку поголема, толку подобро - и не препорачуваме да изберете лаптоп со резолуција на екранот помала од FullHD (1080p).

Дали лаптопот ќе го напушти вашиот дом?

Ставка за која ќе треба паралелно да размислувате е преносливоста. Иако оваа карактеристика е во името на самиот уред (лаптоп), тоа не значи дека секој лаптоп е подеднакво пренослив. Ако изберете уред со огромна дијагонала на екранот, направен од компоненти и материјали кои значително ја зголемуваат неговата тежина, многу брзо ќе сфатите колку труд е потребен за негово пренесување.

Од друга страна, ако изберете модел со помал екран, кој е изработен од полесни материјали и чии компоненти не придонесуваат значително за неговата тежина, ќе можете да го носите насекаде со себе, без речиси да го почувствувате - без разлика дали е на работа, на факултет или на пауза, за да можете да слушате музика или да гледате видеосодржини.

Дали чувате фајлови на дискот?

Пред да почнете да барате, размислете и за просторот на дискот што ќе ви биде достапен, особено ако сакате да складирате големи количини на фајлови. Доколку изберете лаптоп кој нема доволно простор, ниту можност за проширување во иднина, ќе бидете осудени да користите надворешни решенија, што, ќе признаете, не е идеално доколку преносливоста ви е важна.

Пребарувањето може да започне

Веб-страниците на продавниците за компјутери кај нас имаат филтри кои можете да ги примените за да видите модели кои одговараат на она што однапред сте го замислиле. Кога ќе ги примените и ќе пронајдете модел кој мислите дека одговара на вашиот буџет, треба да обрнете внимание на спецификациите кои влијаат на неговите перформанси.

Перформансите на лаптопот зависат од фактори како што се процесорот, RAM меморијата и графичката картичка. Кога станува збор за избор на процесор, дознајте која генерација е моментално актуелна. Наша препорака е секогаш да ја избирате сегашната или претходната генерација за вашиот уред брзо да не застарува, а во зависност од вашите потреби, моќта на процесорот, како и бројот на јадра.

Ако играте игри или работите што бараат извршување на графички интензивни задачи, ќе ви треба независна графичка картичка. Меѓутоа, ако тоа не е случај, слободно изберете модел чиј процесор има интегрирана графика.

Секако, многу е важна и количината на RAM меморија со која располагате. Повеќето корисници ќе бидат совршено задоволни со опцијата 8 GB RAM, но ви препорачуваме да го изберете моделот од 16 GB за да се осигурате дека апликациите ќе продолжат да работат непречено доколку некое од идните ажурирања го зголеми количеството ресурси потребни за правилно функционирање. Секако, не ни земајте во предвид лаптоп кој има помалку од 8 GB RAM.

Мали нешта што не се баш мали

Дури и кога мислите дека сте го нашле совршениот лаптоп за вашите потреби, има мали нешта на кои треба да обрнете внимание, како што се автономијата на батеријата, достапните порти, гаранцијата и техничката поддршка, но и дали оперативниот систем е претходно инсталиран или не.

Внимателно прочитајте ги сите спецификации на саканиот уред и пред дефинитивно да се одлучите за модел, погледнете или прочитајте критики што ги оставиле корисници на валидни онлајн платформи.

Тагови
реклама

Чистка во Грција: Панично се собираат чадори и маси од плажите

Read more

Убиен 31-годишен припадник на АРМ по приватна расправија

Read more

Земјотрес во Скопје

Read more

По 14 години изградба Путин го отвори автопатот меѓу Москва и Санкт Петербург

Read more

Хардвер

Дали го оставате полначот во штекер дури и кога не го полните телефонот?

Read more

Новиот лаптоп на Microsoft разговара со корисникот и е 58% побрз од MacBook Air

Read more

Новиот iPad Pro на Apple донесе големи подобрувања

Read more

Оптички диск од наредната генерација може да собере 14.000 4К филмови

Read more
 

Гик

Единствен освен Земјата има море, езера и дожд: Сателитот на Сатурн и натаму интригира

Читај повеќе
  • filter

Кој го изградил Мачу Пикчу? Откривање на нејасната историја на градот на Инките

Читај повеќе
  • filter

Смартфонот OnePlus Nord 4 пристигна со метално куќиште и уникатен дизајн

Читај повеќе

Кога роботите ќе почнат да бришат прашина наместо да ни ги земаат работните места?

Читај повеќе

Достапна е јавна бета верзија на iOS 18: Што е ново?

Читај повеќе

Климатските промени ги прават деновите подолги - ова не се случило со милениуми

Читај повеќе
  • play_arrow

Редок вид кит исплива на брег во Нов Зеланд: Научниците не знаат речиси ништо за него

Читај повеќе

Откриена пештера на Месечината може да стане дом за астронаути

Читај повеќе

Ретро PC емулатор пристигна на App Store

Читај повеќе