Славниот тенисер Рафаел Надал беше елиминиран на самиот старт на Мастерсот во Париз.
Од него подобар беше Американецот Томи Пол, со резултат од 3:6, 7:6, 6:1. Надал не делуваше премногу расположено по раното излегување.
Неодамна стана татко и сега има и други, родителски обврски, така што ќе може побрзо да се врати дома.
„Секогаш ми е тешко кога морам да си заминам од дома. Искрено, овој пат ситуацијата беше поинаква од претходно. Станав татко и сѐ оттогаш е променето. Интересно е и тоа што дури и по 3 недели откако се роди син ми, а со кој не можам да комуницирам бидејќи е многу мал, тој почнува да ми недостига. Тоа е ново животно искуство. Сите промени се тешки во овој живот и едноставно мора да се адаптирате. Секоја промена е тешка, а мене можеби и за првпат ми е тешко да се адаптирам, морам да бидам пофлексибилен, ова искуство е уникатно во споредба со сите претходни кои сум ги имал“, изјави Шпанецот.
Надал и понатаму мора да патува, а со семејството комуницира со помош на технологијата.
Му честиташе на Томи Пол за победата. Наредниот турнир е во Торино, па верува дека ќе се појави и таму.