Џеф Безос, најбогатиот човек во светот, утре рано наутро ќе му се приклучи на „клубот на астронаути“, со првиот лет преку Blue Origin.
Само две недели претходно, еден друг милијардер – основачот на Virgin Galactic, Ричард Бренсон го имаше своето „огнено крштевање“ во вселената. Сепак, целите на Blue Origin се поамбициозни – во однос на височината до која ќе се издигне леталото New Shepard на Безос, но и во однос на иднината.
Безос ја основа вселенската агенција во 2000 година, со цел еден ден да се изградат вселенски колонии со вештачка гравитација во кои ќе работат и живеат милиони луѓе. Денеска, компанијата работи и на орбиталната ракета New Glenn чија цел е слетување на Месечината.
New Shepard ќе биде лансиран во 3 часот по средноевропско време, на 20 јули од космодром во западен Тексас. Местото на полетување е на околу 40 километри од најблискиот град Ван Хорн.
Настанот ќе се пренесува во живо.
