Најголемите спортски федерации одржаа состанок по повод претстојната корона-сезона

Четирите најголеми македонски спортски федерации се собраа во домот на ФФМ и одржаа состанок разгледувајќи ја ситуацијата која ја наметнува пандемијата со коронавирусот во која ќе се игра новата сезона во фудбалот, кошарката, ракометот и одбојката.

Фото: ФФМ

На состанокот во „Куќа на фудбалот“, седиштето на Фудбалската федерација на Македонија во Ново Лисиче, присуствуваа генералниот сектретар на ФФМ, Филип Поповски во својство на домаќин, потоа првите оперативци на КФСМ и ОФМ, Владимир Георгиевски и Зоран Карановиќ, претставникот на РФМ, Славе Николов, како и комесарите за натпреварувања во четирите наши најголеми федерации.

Главна тема на состанокот беа здравствените протоколи за спортските натпревари и предизвиците со кои се соочуваат организаторите на натпреварувањата во пресрет на новата натпреварувачка сезона, а се во директна поврзаност со мерките за заштита на здравјето на спортистите и спортските работници.

Спроти почетокот на новата натпреварувачка сезона и репрезентативните квалификациски натпревари, федерациите веќе изготвија свои здравствени протоколи одобрени од надлежните институции, но суштинската забелешка која присутните ја споделија, се однесува на различното толкување во однос на тестирањето и евентуалната потврда за присуство на вирусот COVID-19 кај спортистите кои извршиле тестирање и начинот и постапката за евентуално одредување карантин или самоизолација на поединци, односно група на спортисти.

Генералните секретари од националните федерации се согласија дека една од важните иницијативи која федерациите ќе ја предложат до надлежните институции е формирање на посебно, стручно тело во рамки на државниот орган за спорт, чија обврска би била комуникација, соочување и решавање на предизвиците и проблемите со кои се соочуваат федерациите и спортските тимови во услови на пандемија, сѐ со цел навремено да започнат националните првенства.

Фото: ФФМ

„За нас, како Фудбалска федерација на Македонија е исклучително важно да го започнеме новото првенство според предвидениот календар, од причина што веќе од идниот месец ќе бидеме организатори и на низа меѓународни натпревари на репрезентациите, а тимовите ги очекуваат и натпревари од европските купови. ФФМ од месец март изготви протокол за фудбалски натпревари, клубовите веќе ги работат тренинзите и контролните натпревари според тој здравствен протокол, но сепак останува нејасна постапката во однос на патувањата надвор од државата и враќањето на екипите и репрезентациите во нашата држава. Она што е важно да напоменеме е дека ние во пропоцизиите за натпреварување ќе донесеме посебни забелешки поврзани со здравствениот предизвик со кои сите се соочуваме, истакна Филип Поповски, генералниот секретар на ФФМ.

Претставниците на кошаркарската, одбојкарската и ракометната федерација истакнаа дека ситуацијата во која се наоѓаат е веројатно покомплексна бидејќи натпреварите се играат во затворен простор, но ги споделија речиси истите проблеми со кои се соочуваат во однос на тестирањето на играчите и официјалните лица, како и патувањата надвор од државата за клупски и репрезентативни натпревари. Изразија надеж дека државните институции треба да најдат начин да бидат и логистичка, па дури и финансиска поддршка во однос на почетокот на натпреварувањата и тестирањето на екипите.

Заклучоците од состанокот ќе бидат презентирани до здравствените власти во државава и до државното тело за спорт.

реклама

Костовски: Правдата за стечајот на „Еуростандард банка“ ќе ја барам надвор од земјата

Read more

Instagram убавица: Ерјона Сулејмани

Read more

Кога кај нас вака: Велосипедска патека долж брегот во Турција, #НаТочак апелира за вакви промени и во Македонија

Read more

Што кажува вашиот фрижидер за вас?

Read more

Останати спортови

УФЦ нокаут како на Зангиеф од Street Fighter

Read more

Хабиб: Џастин е добар дечко. Ќе го удавам

Read more

Forbes ги прогласи највредните спортски клубови

Read more

Првпат по 28 години откажан Охридскиот маратон

Read more

Спорт

  • play_arrow

Седум фудбалски менаџери кои воделе клуб и репрезентација истовремено

Читај повеќе
  • play_arrow

Разумни трансфери: Барселона

Читај повеќе

Вака изгледа распоредот за НБА плејофот

Читај повеќе

Симеоне: Заслужено бевме елиминирани

Читај повеќе

Чеферин: Во иднина нема да се повтори Ф8 форматот

Читај повеќе

Ѓоковиќ одлучи да игра на УС Опен

Читај повеќе
  • filter

Озил бара поддршка за „Muslim Lives Matter“

Читај повеќе

Гасперини: Штета, помисливме дека сме во полуфинале

Читај повеќе

Сити испрати понуда за Кулибали

Читај повеќе