Навивачите на Тотенхем го прифатија испѓањето од Динамо како шок, откако нивниот тим ја прокоцка предноста од 2:0 од Лондон и благодарение на хет-трикот на Мислав Оршиќ се простија од Лига Европа во осминафиналето.
Двајца навивачи на Тотенхем организираа „watch-along“, односно ја го гледаа натпреварот и пренесуваа во живо како ги коментираат случувањата на „Максимир“, а нивните реакции по третиот погодок на Оршиќ се просто бесценети.
Во неверување, станаа од столиците, се држеа за глава и секако, испратија дожд од пцовки кон играчите на нивниот омилен тим.
„Ова е хет-трик за Оршиќ и Тотенхем го гледа испаѓањето од Лига Европа директно во лице. Ова е срамота“, рече еден од навивачите, обидувајќи се да остане присебен пред камерата, додека другиот удираше по масата и пцуеше.
„Како дозволивте да се случи ова?!“, урлаше вториот, а потоа и двајцата бесно ги набројуваа играчите кои дозволија загрепскиот херој да помине низ слаломот и да постигне гол за дефинитивна победа на Динамо.
Не мора да знаете ни збор на англиски јазик за да ги почувствувате ужасот и гневот на навивачите заради дебаклот на „Максимир“ што заврши со уште еден неверојатен момент – тренерот на Тотенхем, Жозе Мурињо, отиде во соблекувалната на Динамо и им аплаудираше на момците.
