Луѓето често знаат да размислуваат на негативен начин, а оваа навика е лоша по здравјето. Ова може да доведе до намалување на умствените способности и да го зголеми ризикот од деменција и Алцхајмер, покажува новото истражување на британски научници.
Според новото истражување на Универзитетскиот колеџ во Лондон, негативното размислување за минатото и големата загриженост за иднината може да бидат еден фактор повеќе во прилог на опасноста од деменција.
Научниците истакнуваат дека депресивните и анксиозните луѓе се поподложни на намалување на умствените способности од оние кои гледаат попозитивно на животот. Но, измереното ниво на протеинот амилоид, којшто е предизвикувач на Алцхајмеровата болест, не било повисоко кај лицата кои стадаат од депресија и анксиозност.
Како што објаснува д-р Натали Мерчант, тоа води до претпоставката дека токму честите негативни мисли се главна причина за депресија и анксиозност, а натаму и за Алцхајмерова болест или деменција.
Истражувачите велат дека за сѐ ова се потребни уште повеќе истражувања.