Иако имаме уште празници во јануари, главните поминаа и сега можете лесно да почнете да го враќате телото во форма.
Оние што добро се хранеле сега треба добро да вежбаат. Но, не е добро ниту за душата ниту за телото да се започне силно и наеднаш. Затоа, невидливата гимнастика на д-р Воробјов е совршена за сите возрасни категории.
За што се работи? Доктор Воробјов смислил воена гимнастика која трае само 6 минути. Оваа наградувана невидлива гимнастика се изведува за кратко време, а ефектите се фантастични.
Трикот е во тоа што овие шестминутни вежби се повторуваат секој час.
Невидливата гимнастика која трае 6 минути се состои од 8 вежби кои можете да ги изведувате додека гледате телевизија, седите на компјутер или читате.
Еве како изгледа мини тренингот:
1. Подигнување на пети (додека седите, кренете ги стапалата на прстите. Ова е одлична вежба за телето. Направете 40 повторувања);
2. Подигнување на прсти (петиците се прицврстени на подот, 40 пати подигнете го остатокот од стапалото нагоре);
3. Затегнување на задникот (затегнете ги глутеалните мускули 50 пати);
4. Затегнување на стомакот (вдишете преку нос, издишете преку уста и додека не издишете повлечете го стомакот; повторете 20 пати);
5. Грбни мускули (раширете ги рамената, исправете го грбот и повлечете ги рамената наназад и доближете ги лопатките една до друга. Повторете 20 пати);
6. Стиснете и опуштете ги тупаниците (повторете 50 пати, ова е вежба за речиси целата рака);
7. Свртете ја главата на страна (многу бавно и внимателно свртете ја главата наизменично десно и лево, така што положбата да формира агол од 90 степени. Повторете 20 пати, вратот ќе ви се заблагодари);
8. Извлечете ја брадата (турнете ја брадата и долната вилица напред, така што долната усна ќе помине преку горната. Ова е вежба со која можете да се ослободите од подбрадокот).
Кога ќе поминат три недели од почетокот на дневните вежби, оваа гимнастика ќе ви стане навика и секој ден ќе се чувствувате, но и изгледате многу подобро.
