Македонската женска ракометна репрезентација до 19 години забележа нов пораз на Европскиот шампионат во Романија. Во разигрувањето за пласман, Србија ја победи Македонија со 30:19.
Од самиот почеток младите Србинки го наметнаа својот ритам, на полувреме Македонија губеше 8:14, а речиси со иста разлика Србија го доби и вториот дел.
Нена Нестороска со 5 и Емилијана Ризоска со 4 голови беа најефикасни во македонскиот состав, додека кај Србија 8 голови постигна Невена Тодоровски.
Српските голманки запишаа 10 одбрани (Теодора Враниќ 7 и Анастасија Недељковиќ 3), додека македонските само 4 (Ема Кирова 2, а Матеа Чурлиновска и Марија Јовановска по 1).
Поради овој пораз, во понатамошниот тек од Европското првенство, У19 селекција на Македонија ќе разигрува за пласман од 13-то до 16. место.
