Јапонец, задолжен за зачувување на културното наследство, случајно со автомобил го оштети најстариот тоалет во земјата, а кој се наоѓа во будистички храм стар неколку века, соопшти јапонската полиција.
Во храмот Тофукуџи во регионот Кјото, на западот на Јапонија, се наоѓаат тоалети за кои се верува дека потекнуваат од 15 век. Овие тоалети се прогласени за важно културно наследство. Оригиналната дрвена врата што води до тоалетот е оштетена бидејќи возачот, маж на 30-годишна возраст, случајно стиснал на гас не сфаќајќи дека автомобилот бил спремен да се движи во рикверц, наведуваат од полицијата.
Ќе биде неопходно да се изврши реставрација на оштетената врата. Внатрешните ѕидови на тоалетот, исто така, се оштетени, но самите градби се недопрени.
Тоалетите некогаш биле употребувани од монасите како дел од аскетската обука, но денес не се користат.
