Играчот на скопски МЗТ, Хасани Гравет, потпиша договор со НБА лигашот Орландо Меџик и стана прв кошаркар кој од македонската лига успаел да направи трансфер во НБА.
Гравет летово беше во тимот од Флорида и настапи на 5 натпревари во Летната НБА лига во Лас Вегас постигнувајќи во просек по 8 поени, 2,6 скока и исто толку асистенции.
Американецот само една сезона ги бранеше боите на МЗТ откако минатото лето дојде во Аеродром од редовите на Лејкленд Меџик. Му помогна на тимот на стигне до двојната круна во домашната кошарка постигнувајќи во просек по 12,4 поени, 4 скока и 3,1 асистенција.
Гравет во Орландо ќе носи дресот со бројот 12. Клубот моментално има регистрирано 18 играчи.
МЗТ нема да добие ништо за овој трансфер бидејќи Гравет како слободен играч доаѓа во Орландо.