Вечерва во СЦ „Борис Трајковски“ македонската одбојкарска репрезентација игра решавачки натпревар во борбата за третото место во групата Ц на Европското првенство 2023 на кое домаќин е и Скопје.
Македонските одбојкари веќе обезбедија место во осминафиналето, но сакаат да остварат што подобар пласман и евентуално да ја избегнат силната Италија во нокаут-фазата.
Нашата група Ц во осминафиналето спарува со групата А, каде откако синоќа Србија ја совлада Германија ѝ заврши работа на Италија. „Аѕурите“ и математички сега се први, без разлика на нивниот денешпен дуел против Германците.
Со оглед на тоа што спарувањето е по принципот прв со четврти, втор со трет итн., Македонија доколку вечерва загуби и заврши четврта за противник ќе ја добие Италија. Со победа ќе бидеме трети и ќе играме против вториот од групата Ц, а тоа е Србија. Во моментов најважно е да се избегне силната Италија, но тоа не значи дека Србија е лесен противник, напротив.
Дополнителна причина за избегнување на 4. место е фактот што терминот за тоа место во осминафиналето се поклопува со фудбалскиот натпревар Македонија - Италија в сабота вечер во Скопје, што значи дека, без потценување, одбојката ќе отиде во втор план. Ако бидеме трети, тогаш во осминафиналето ќе играме в недела. Како и да е, наша следна станица ќе биде Бари.
Што и да биде, сепак третиот континентален собир за нас е успешен, резултатски и според сликата што Македонија деновиве ја испраќаше од арената „Борис Трајковски“.
На момците во црвено-жолти дресови вечер им треба голема поддршка од публиката.
„Да направиме уште едно шоу, вечерва од 20 часот“, повика Одбојкарската федерација на Македонија.
