Samsung благодарение на три генерации на смартфони на преклоп стана лидер на пазарот, а го следат Huawei и Xiaomi. Сега им се приклучи и компанијата Oppo.
Oppo денеска е четврт најголем смартфон бренд во светот, а сега официјално го претставија смартфонот на преклоп Find N.
Станува збор за смартфон со 5,49-инчен екстерен екран, додека по отворање на уредот е достапен 7,1-инчен флексибилен Serene Display екран.
Го движи Qualcomm Snapdragon 888 процесор. Има 12 GB RAM, 512 GB интерна меморија и користи ColorOS 12 базиран на Android 11.
Смартфонот е тежок 275 грама, има главна камера од 50 MP, Sony IMX766 сензор, ултраширока IMX481 камера од 16 MP, како и 2х телефото Samsung камера од 13 MP.
Find N доаѓа во црна, бела и виолетова боја, продажбата почнува на 23 декември. Цената се движи од 1210 до 1410 долари. Засега е достапен само во Кина.
