Деменцијата е невролошко нарушување одговорно за повеќе смртни случаи отколку ракот на простата и ракот на дојката заедно. Најчеста причина за деменција е Алцхајмерова болест.
„Човечките и финансиските загуби поради Алцхајмеровата болест се поразителни“, вели д-р Ендрју Е. Бадсон. Еве пет непогрешливи знаци на деменција, според експертите:
Лоши резултати на едноставен тест за меморија
Една неодамнешна студија покажува дека лошиот резултат на едноставен тест за меморија може да биде знак за рана деменција, која може да претходи на дијагнозата неколку години, дури и ако лицето нема очигледни проблеми со меморијата.
„Овие наоди сугерираат дека ваков тест може да се користи за да се подобри нашата способност за откривање на когнитивниот пад пред на луѓето да им биде дијагностицирана Алцхајмерова болест“, вели д-р спец. Елен Гробер.
Тешкотии во говорот
Научниците открија дека абнормалната активност во одредени делови од мозокот одговорни за говорот и слухот може да биде предиктор за рана деменција, дури и кога нема очигледни знаци на оштетување.
„Ова отвора нови врати во идентификувањето на биолошките маркери за деменција затоа што би можеле да размислиме за користење на мозочната обработка на говорните звуци како нов начин за порано откривање на болеста“, вели д-р Клод Ален.
Необичен од
Има сè повеќе докази кои покажуваат врска помеѓу специфичниот начин на одење и Алцхајмеровата болест. Студија од Обединетото Кралство покажа дека одот може да се користи како дијагностичка алатка за препознавање на деменцијата, сè до специфичниот тип.
„Начинот на кој одиме може да ги одразува промените во размислувањето и меморијата кои ги истакнуваат проблемите во нашиот мозок, како што е деменцијата“, вели д-р Риона Мекардл.
Промени во карактерот
Необјаснетите промени во карактерот и однесувањето се вообичаени рани симптоми на деменција, велат лекарите. „Во моментов, ние најмногу бараме проблеми со меморијата и други когнитивни проблеми за да откриеме деменција, но промените на личноста и карактерот често може да се случат години пред когнитивните проблеми“, вели д-р Џејмс Галвин.
„Препознавањето на најраните знаци на деменција може да им овозможи на лекарите да започнат со лекување што е можно поскоро“, објаснува тој.
Апатија и депресија
Тесно поврзани со промените на личноста, необјаснетата депресија и апатија може да бидат рани знаци на деменција. „Повеќето луѓе мислат на Алцхајмеровата болест како нарушување на меморијата, но четвртина од пациентите трпат промени кои не влијаат на меморијата или на когнитивните способности“, вели д-р Џејмс М. Нобл. „Некогнитивните симптоми стануваат доста стресни за членовите на домаќинството. Забележувањето на промените на личноста во важните врски, како што се љубовните врски, може да биде вистински предизвик.“