Велика Британија ја одобри употребата на вакцината против коронавирусот на компаниите Pfizer и BioNTech и најави можат тие да можат да се користат од почетокот на следната недела.
„Владата денеска ја прифати препораката на Агенцијата за лекови и здравствени производи и одобри употреба на вакцината на Pfizer и BioNTech“, соопшти британската Влада.
Велика Британија прва во светот ја одобри оваа вакцина. Првите вакцини ќе бидат достапни веќе следната недела. Веќе следната недела ќе се почне со вакцинирање на граѓаните против COVID-19 со вакцината на компаниите Pfizer и BioNTech, изјави британскиот министер за здравство Мет Хенкок.
Тој за Sky News истакна дека станува збор за „фантастична вест“.
Фармацевтската компанија Pfizer вчера соопшти дека поднела барање до Европската агенција за лекови (ЕМА) за одобрување на нејзината вакцина до крајот на оваа година.
Европската агенција за лекови порача дека во наредниот период ќе го разгледува ова барање и дека ако заклучи дека бенефитите од вакцината ги надминуваат ризиците, таа ќе даде одобрување за условна комерцијализација, со што би можело до крајот на оваа година вакцината на Pfizer да биде пуштена во промет.
Pfizer, BioNtech и Moderna се првите компании кои најавија дека развиле вакцина против COVID-19, вакцината на Pfizer има ефикасност од 95 отсто, соопшти фирмата.
Moderna исто така поднела барање во ЕУ, а истовремено и во САД.
AstraZeneca е третата фирма што разви вакцина со висок степен на ефикасност. Агенцијата за лекови на ЕУ порача дека е во процес на постојана анализа на вакцините. Само со зелено светло од ЕМА може да вакцините да се комерцијализираат на европскиот пазар.
Читајте следно: Moderna побара итна регистрација на вакцината против COVID-19