Бројот на следбеници на Ема Радукану на Instagram се искачи на 1,6 милиони по нејзиното сензационално освојување на УС Опен во Њујорк и победата над Лејла Фернандес со 6-4 и 6-3.
Социјалните мрежи експлодираа во текот на изминатите два дена поради 18-годишната спортистка од Бромли, која стана прва Британка грен-слем победничка по Вирџинија Вејд и Вимблдон во 1977 година, а нејзиниот профил на Instagram го заследеа речиси милион нови следбеници.
Неверојатните игри на Ема во Њујорк ја донесоа од 366. место на ВТА листата на 23. место, го зголеми бројот на следбеници на Instagram на 1,6 милиони и обезбеди фотографија за списанието Vogue.
Во меѓувреме, експертот за популарна култура и брендови, Ник Еде, предвиде дека тинејџерката ќе стане бренд вреден милијарди долари.
Инаку, Ема изби на сцената на овогодинешниот Вимблдон, каде што стана најмладата Британка што стигнала до 4. коло по 1959 година.
Ема освои армија од фанови на Вимблдон, откако во своето шармантно скромно интервју по натпреварот призна дека не очекувала да напредува во втората недела од турнирот.
По победата во првиот круг таа доби 30.000 следбеници на Instagram, а втората победа ѝ донесе уште 153.000.
На својата страница на Instagram, идната ѕвезда ги споменува своите глобални корени, повикувајќи се на Лондон, каде што сега живее, Торонто, каде што е родена и двата града од каде се нејзините родители - Букурешт (Романија) и Шенјанг (Кина).
